Dàanı̀ Sıızı̀ Seǫ̀t’ǫ

Mıke Nıtsıza: Dıı setseè wekw’ǫǫ̀ whetǫ, hanı̀kò wıızı̀ nǫde wheɂǫ ładı̨ hǫt’e. Setseè Jeremıckca wıyeh. eyıts’ò Pomı eyıts’ǫ Zoe. Ełechı taı agı̨ı̨t’e, ełechı taı gıızı̀ node whelaa ełèht’e-le.

Jay Bulckaert (wet’à nı̨htł’èıchı̀ı wed̀e): Dàanı̀ agot’ı̨?

Mıke Nıtsıza: Sǫǫ̀mba Nàzèe hanı̀ gogıızı.

Jay Bulckaert (wet’à nı̨htł’èıchı̀ı wed̀e): Edı̨ı̨̀ gots’ǫ gızı̀ agehɂı̨? Gızı̀ enıı̀yah lanı̀.

Mıke Nıtsıza: Sǫǫ̀mba Nàzèe gha etaàgehtıı goızı̀ goghagı̨ı̨ɂǫ. Dàanı̀ k’ehots’eɂaa ghà goızı̀ goghàgeɂà, hanı̀-le-dè ekı̀ı hats’edı nı̨dè eyı̀ı goızı̀ elı̨. Sı̨ segha nı̨dè Buckıns ats’ı̨t’e, Xatł’odeè gots’ǫ. Buckıns ts’ı̨ı̨lı̨ ha ı̨lè hanı̀kò etaàtıı setà eyıts’ǫ ełechı eyıı̀-le. Tłı̨chǫ nèk’e hazǫǫ̀ aget’ı̨ ı̨lè. Hazǫǫ̀ aget’ı̨ ı̨lè. Eyıt’à Nıtsıza gògedı. Nıtsı nı̨hts’ı ts’edıı̀̀ ats’edı. Za weza ts’edıı̀ ats’edı, Nı̨hts’ı weza ts’edıı̀ ats’edı. Eyıt’à eyı̀ı wıızı̀ goghagı̨ı̨ɂǫ goızı̀ whelı̨.