Ełexè Eghàlats’edaa

Louıs Wedawın: Jǫ nàı̨lı̨ı̨ gà hote k’è gòɂǫ. Cheko nezı̨ı̨̀ eghàlagedaa sı̀ı elà hote geechı t’à gots’àgedı. Hote k’e ɂeht’ǫǫ̀ geedè, elà nagıatı̨ eyıts’ǫ goht’ǫ k’egele.

Mıke Nıtsıza: Eyı̀ı nàı̨lı̨ı̨ sıı̀ gǫwà eyıts’ǫ nedè. Nehchà ahdzà ekò xat’ǫ̀ k’e gıxè ekǫ nàwhıhtła. Łıdahtèe Zaà k’e nàı̨lı̨ı̨ ekǫ nàwhıhtła. Ekǫ nèts’ı̨ı̨dè ekò to eyı̀ı ts’eète. Chekoa ekǫ kwekà k’e geekw’e. Kwe nechà-lea k’e elà dedıı gha ts’eèkw’ǫ. edahxǫ elà dedıı lı̀ ts’ı̨ı̨wǫ. Elà naetłe nı̨dè tłeht’oò dedıı wets’eèhkw’ǫ ha dı̀ı̀-le. Tłeht’oò dedıı ts’ǫ̀et’ıı̀ nàı̨lı̨ı̨ ts’ǫ̀ tomots’edè, ekǫ elà hote geele gıts’àts’edı gha.

Louıs Wedawın: Eyı̀ı tł’axǫǫ̀ satsǫ̀ weyı̀ı bòxàet’ee eyı̀ı t’aa sıı̀ nedà. Weyı̀ı bòxàet’ee satsǫ̀ sıı̀ nechàa xè nedà. Satsǫ̀ wetagı̨ı̨wa gà cheko wesatsǫ̀ tehmı̀ yı̀ı gewa gà hote geechı eyıts’ǫ nàedı̀ık’e ts’ǫ̀ geele. Tehmı̨̀ hazǫǫ̀ eyı̀ı nèts’ewa tł’axǫǫ̨̀ satsǫ̀ ek’ègewa. Eyıtł’axǫǫ̀ dè amèe wets’ǫ ne sı̀ı wekǫ̀ wheɂǫǫ̀ ats’ehɂı̨. Eyı̀ı satsǫ̀cho gıkǫ̀ goyı̀ı wheɂǫ.

Mıke Nıtsıza: Ekǫ ts’ǫ̀ tı̨mots’edè, dǫ łexè eghàlaı̀dèe ası̀ı goht’ǫǫ̀ t’à gıts’àts’edı. Hats’et’ı̨ ı̨lè. La nechàa łǫ hats’ı̨ı̨là ı̨lè.

Louıs Wedawın: Cheko dǫ ts’àgı̨ı̨dı̀ı t’à gıt’àhonıwı̀, eyıts’ǫ nezı̨ı̨̀ eghàlagedaà agede ha. Hanı̀ eghàlagı̨ı̨dàa t’à edèot’ı̨ gha ̀gıt’àhoòɂà eyıts’ǫ ɂǫhdah hazǫǫ̀ gha.